Your Choice е проект организиран од страна на студентската огранизација AIESEC,чија главна цел е да им се даде можност на средношколците и студентите да изучуваат странски јазик , а воедно да стекнат знаења и за државата и културата од каде што јазикот влечи корени.

Часовите ќе бидат реализирани со помош на странски предавач на кого јазикот му е матичен со што се отвора можност пред се за квалитетно изучување на јазикот, подобрување на комуникациските вештини на англиски јазик, доближување на двете култури (македонската и странската) и се разбира добра дружба.

Наш приоритет е да донесеме што повеќе странски предавачи од различни земји во светот и да се изучуваат повеќе јазици бидејќи во овој период на глобализација знаењето на странски јазик е голема предност во смисла на полесно вработување, повисока работна позиција, работа во странство и сл.

Оваа година ја имаме шансата да го доведеме Германскиот и Италијанскиот јазик и култура поблиску до вас.

Часовите ќе се бидат поделени на три нивоа:

1 НИВО: Студенти кои што немаат воопшто познавање на јазикот и кој се спремни да го научат.

2 НИВО: Студенти кој што имаат некое познавање на јазикот но сакаат да го усовршат.

3 НИВО: Студенти кој го познаваат јазикот во теоретска смисла но сакаат да го надоградат преку конверзација за да го употребуваат во секојдневието.